საზაფხულო სკოლის ,,წეროს მხიარული რიცხვების,,-                                                                 
                                          მასწავლებლის ნათია კიკნაძის რეფლექსია

          როგორც დაწყებითი კლასის მასწავლებელმა, ძალიან კარგად ვიცი,  რომ არაფორმალური განათლება ქმედითი ცოდნის ხარისხსა და მოსწავლეთა მოტივაციას ამაღლებს.
        ასეთ შემთხვევაში უკეთ აქტიურდება პატარების  შინაგანი ძალები. ისინი ხდებიან მეტად თავდაჯერებულები, მეოცნებეები და შემოქმედებითები.სწორედ ამიტომ გადავწყვიტე მესარგებლა პირველკლასელთა საზაფხულო არდადეგებით და მეფუნქციონერებინა საზაფხულო სკოლა: ,,წეროს მხიარული რიცხვები,,.  შევადგინე სამოქმედო გეგმა და წარვუდგინე დირექტორს. ქ-ნ ვერას თანხმობის შემდეგ დავაანონსე სოციალურ ქსელში სკოლის ფუნქციონირების ვადები/თარიღები.
         დავიწყე სამოქმედო გეგმის მიხედვით მოქმედება. ყოველ დღეს მოსწავლეებს ვახვედრებდი სამუშაო ტექსტის ამობეჭდილ ვერსიას და ვკითხულობით სხვადასხვა მეთოდებით. ჩემთვის მთავარი ამოცანა იყო ის, რომ მოსწავლეებში აკადემიური მოსწრება გამეუმჯობესებინა. ვგულისხმობ კითხვას, წერას და ანგარიშს.
           ყოველი აქტივობა იყო გაჯერებული ქმედითი ცოდნის უზრუნველსაყოფად . განსაკუთრებული ეფექტი ჰქონდა  მათ მიერ შესრულებულ ნახატებს და პერსონაჟის დახასიათებებს.
          ძლიერ მხრედ მიმაჩნია ის რომ ჩემი კლასის მოსწავლე, რომელსაც ჯანმრთელობის გაუარესების გამო გაუცდა სწავლის პროცესი და ამან გარკვეულწილად იმოქმედა მისი კითხვის ხარისხზე, ეს პრობლემა სრულიად აღმოიფხვრა ამ 10 დღის განმავლობაში.
           საზაფხულო სკოლის ძლიერი მხარეა ისიც, რომ მან მან აამაღლა მოსწავლეებში თვითშეფასება, თავისუფალი  აზროვნების, დამოუკიდებელი და ჯგუფური მუშაობის უნარ- ჩვევები.
            ყოველი თემის დამუშავებას წინ უძღოდა საჭრო ინფორმაციის მათზე გადაცემა და მათი თვალსაწიერის გაფართოება. ხოლო თემის დამუშავების შემდეგ კი მოსწავლეები წერილობით გადმოსცემდნენ თავით შთაბეჭდილებებს.(ჩანახატის ან წინადადებების სახით)
           საზაფხულო სკოლამ აამაღლა მოსწავლეთა როგორც ცოდნის დონე, ისე  ხელი შეუწყო,რომ  ყოფილიყვნენ  შემოქმედნი და  რეალიზებულნი.
           გამოიკვეთა სუსტი მხარეც. კერძოდ, უკეთესი იქნებოდა  სხვა პედაგოგთა ჩართულობა . ეს არა მხოლოდ საზაფხულო სკოლის მდგრადობაზე აისახებოდა მეტად , არამედ ხელს შეუწყობდა მსგავსი ინიციატივების განხორციელებასა და „კრიტიკული მეგობრის „ ინსტიტუტის გაძლერებას. 
თუმცა ვთვლი, რომ საზაფხულო სკოლა წარმატებით განხორციელდა.